2016 : 02 : 17 . 政府又好、泛民、建制、長輩上一代都好,你地一直賴以為成功、或者成功過果套唔work架啦!用腦諗上野啦!用腦諗下你地點解唔再work啦!選情告急真係唔work架啦!仲要早十幾日就告急。

楊岳橋,我唔多識你,如果你真係你的支持者覺得你咁好的話,我係你就即刻退黨。即刻離開泛民。你唔係泛民你唔會即刻變左做建制架嘛!用良心做人,你有冇政黨都好,你一樣會係一個好人。係咪?再講多次,我唔識你,我對你冇意見。我支持梁天崎的理由很簡單,我係這個後生仔身上看到希望;而且更重要的是,佢並不是黎自對香港人背信棄義、令我地徹底失望的泛民。

投票又好、做人又好,人每決定一步,都是一場賭博。賭一個美好的將來,賭一次以小博大的機會。和理非非的人,你地就好似係賭檯上陰尐陰尐果尐人,你做不了大事的。要賭,就要show hand,由其是我地已經站在冇野可以再輸的田地,既然賭又死,唔賭又死,我賭,我會賭show hand,我會將所有注碼都賭在年青人的身上。

日本漫畫《英雄本色》中老是說,政冶家坐在議事廳,你驟眼看,以為自己去左老人院。正常公司都會叫佢地退休啦!點解正常有活力的公司要請年青人?因為,佢地會為你的公司帶來朝氣與競爭力。老實講,老了,就應該回家弄孫為樂。呢個亦都係黃毓民一直都係佢個網台節目中成日提起的。而家佢不能退,是因為議會再沒有一把反對的聲音比他更大。唯獨為議會帶來更多非和理非非、反建制的聲音,老人家才能安心退位吧!

老實說,日本漫畫《英雄本色》雖然是一本漫畫,但對我來說,它更是一本政治的天書。要改變世界的,不是行將就木的老人,而是要夠對未來充滿瞳景的年青人!

楊岳橋,要是你同樣的對香港的未來充滿願景的話,退黨吧!不必加入任何勢力,如果你真的如你的支持者所說得那麼好的話,離開泛民,你一定更有作為。

可惜的是,我沒有選票在手,如果我有,毫無懸念,我只會投6號 #梁天琦 一票!

#本民前 #六號 #梁天琦 #立法會 #新東補選

Leave a Reply

Your email address will not be published. Required fields are marked *