【Blog】2023 : 06 : 18 . 《重慶大廈的非洲雄獅 》┆劇場空間

呢個年代好戲難求，因為近年我睇過好多戲都真係好一般，要搵套睇左一半我已經覺得好好睇嘅戲更難。但係《 重慶大廈的非洲雄獅 》真係好好好好睇。用重慶大廈人流復雜嘅背景，講一個離香港很遠嘅盧旺達種族大屠殺的故事，本來就不易；要不離地、扣人心弦、引發大家跟同現實有所聯想就更難。但這齣編、導、演、唱跟原創音樂俱佳嘅音樂劇，毫不兀突咁，用音樂劇的方式，用歌聲與戲劇用一幢大廈就講好左一個故事，看到最後我終於明白點解咁多人會問會唔會有soundtrack可買。雖然喺我心目中，略嫌這戲最後嘅轉折上係有啲不夠力度，但仍然無阻劇場空間嘅呢套《重慶大廈的非洲雄獅》嘅耀眼光芒，更無阻呢套戲喺我心目中留下非常深刻嘅印象。

#JohnLaudon #ReneeChan #陳青昕 #TheatreSpace #劇場空間 #重慶大廈的非洲雄獅